Արդեն մեկ ժամից ավելի է ինչ Սյունիքի մարզի հարակից ազատագրված տարածում հրդեհ է բռնկվել: Ինչպես մեզ ահազանգած բնակիչներից մեկը նշեց` Կապանի օդանավակայանի տարածքից երեւում է հեռվում բռնկված հրդեհը, այն դեպի Կապանի տարածաշրջանին է մոտենում, իսկ առաջացած ծուխն արդեն մեկ ժամ է դեպի Կապան քաղաքի ուղղությամբ է տարածվում: Սյունիքի մարզային փրկարարական ծառայությունից փոխանցեցին, որ բռնկված հրդեհը Սյունիքի մարզի տարածքում չի գտնվում, այլ` ազատագրված Կովսականի տարածքում, ուստի Կապանի տարածաշրջանից հրդեհաշիջման աշխատանքներ չի տարվում: «Մեր կողմից հսկողություն է իրականացվում, որ հրդեհը դեպի մեր տարածք տարածում չգտնի» , – տեղեկացրեցին փրկարարական ծառայությունից:
Մերի ՍՈՂՈՄՈՆՅԱՆ
