Համաշխարհային հակադոպինգային ծառայությունը, ինչպես բոլոր մրցաշարերում, Պատանեկան օլիմպիական խաղերում նույնպես խիստ պայքար է մղելու դոպինգի եւ արգելված այլ խթանիչների դեմ:
«Զվարթնոց» օդանավակայանում «Առավոտն» այս հարցի շուրջ զրուցեց Նանջինգ մեկնող Հայաստանի օլիմպիական թիմերի բժիշկ Դավիթ Մոսինյանի հետ: «Բոլոր մարզիկների վիճակը, հատկապես առողջական, լավ է: Գանգատ ունեցողներ չկան: Եթե Նանջինգում էլ այսպես լինի, կարծում եմ, նրանք լավ հանդես կգան: Նախապատրաստության ողջ ընթացքում մշտապես ներկա եմ եղել հատկապես բռնցքամարտի, ծանրամարտի, ջրացատկի եւ լողի հավաքներին ու մարզումներին: Մյուս մարզաձեւերի հետ աշխատել ենք փուլային տարբերակով: Եթե ինչ-ինչ խնդիրներ եղել են, աշխատել ենք դրանք շատ արագ շտկել: Ինչ վերաբերում է արգելված խթանիչներին, հիմա Հայաստանում դրանց դեմ խիստ պայքար է ծավալված եւ մեր պատանի մարզիկները նման խնդիրներ չունեն», – ասաց Դավիթ Մոսինյանը:
Աշոտ ՀԱԿՈԲՅԱՆ
«Առավոտ» օրաթերթ
Կարդացեք նաև
14.08.2014 թ
