Թուրքիայի Ժողովրդահանրապետական ընդդիմադիր կուսակցությունը մտադիր է Էրդողանի դեմ դատական հայց ներկայացնել հայերի նկատմամբ հրապարակայնորեն ռասիստական արտահայտություններ անելու համար, հայտնում է «Haqqin.az»-ը՝ հղում անելով «CNN Turk»-ին:
Թուրքիայի նախագահի ընտրությունների քարոզարշավի ժամանակ, Էրդողանը «NTV» հեռուստաալիքի եթերում ասել էր. «Ինձ վրացի են անվանել: Ներողություն եմ խնդրում, բայց դրանից ավելի վատ բան էլ են ասել. ինձ հայ են անվանել»:
ԺՀԿ պատգամավոր Հուրշիդ Գյունեշը, անդրադառնալով Էրդողանի հայատյաց հայտարարությանը, ասել է. «Դա թշնամական պահվածք է: Ըստ Քրեական օրենսգրքի և Սահմանադրության, նա փաստացի հանցանք է գործել: Դա ատելության քարոզ է»:
Գյունեշը հավաստիացրել է, որ Էրդողանին պատասխանատվության ենթարկելու համար դատախազություն հայց կներկայացնի:
Կարդացեք նաև
Պատրաստեց Հովհաննես ԻՇԽԱՆՅԱՆԸ
