«Եթե այս տարի կարկուտ չգար, եւ չլիներ վաղ գարնանային ցրտահարություն, ապա այս օրերին Եվրոպայի կողմից Ռուսաստանի նկատմամբ կիրառվող պատժամիջոցները միանշանակ դրական կանդրադառնային Հայաստանի վրա խաղողի արտահանման մասով»,- «Ժամանակի» հետ գրույցում նման կարծիք հայտնեց Գինեգործների միության նախագահ Ավագ Հարությունյանը՝ նկատելով, որ կարկուտն ու ցրտահարությունը վնասեցին հիմնականում սեղանի խաղողի բերքը,
որը եւ մեծ մասամբ արտահանվում էր Ռուսաստան։
«Այ, հիմա սեղանի խաղողի դեֆիցիտ կառաջանա ռուսական շուկայում, իսկ մենք այդքան չունենք, որ այնտեղ խաղող տանենք՝ հակառակ այն բանին, որ հիմա պահանջարկն ավելի է մեծացել»,- ասաց Հարությունյանը։ Նրա խոսքով՝ խաղողի բերքի մյուս տեսակները հիմնականում չեն վնասվել, եւ այս տարի գինու արտադրությունը չի տուժի, ինչպես կանխատեսվում էր։
Ավելին, Հարությունյանի խոսքով, անցած տարվա համեմատությամբ Հայաստանը 30 տոկոսով ավելացրել է ինչպես խաղողի, այնպես էլ գինու արտահանման ծավալները։
Սոնա ՀԱՐՈՒԹՅՈՒՆՅԱՆ
Կարդացեք նաև
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
