Ադրբեջանում գերի ընկած և մահացած Կարեն Պետրոսյանի դիակը Հայաստանին փոխանցելու պայմանավորվածություն պետք է ձեռք բերեն հակամարտող կողմերը, իսկ Կարմիր Խաչը կարող է միայն որպես միջնորդ հանդես գալ, «Հաքքին.ազ» լրատվականին հայտնել է Կարմիր Խաչի միջազգային կոմիտեի ադրբեջանական ներկայացուցչության հասարակայնության հետ կապերի բաժնի ղեկավար Իլահա Հուսեյնովան:
Հուսեյնովան նշել է, որ Կարմիր Խաչը գերի ընկած անձանց մահվան կամ նրանց հետ տեղի ունեցած դժբախտ պատահարների համար հետաքննություն չի իրականացնում:
Նա նաև հայտնել է, որ ԿԽՄԿ ներկայացուցիչները նախօրեին հանդիպել են Հայաստանում գերի ընկած ադրբեջանցի դիվերսանտներ Շահբազ Գուլիևին և Դիլգամ Ասկերովին, ծանոթացել նրանց առողջական վիճակին և կենսապայմաններին:
Պատրաստեց Հովհաննես ԻՇԽԱՆՅԱՆԸ
Թող հետաքննություն չանի, փաստը, որ Կարենը չկա, իսկ ադրբեջանցի դիվերսանտները` կլան` բավականին խոսուն է………