Վարչապետի պաշտոնը ստանձնելուց մի քանի օր անց Հովիկ Աբրահամյանը հավաքեց խոշոր գործարարներին եւ հորդորեց` ստվերից ինքնակամ դուրս գալ, հարկերը վճարել: Սակայն վարչապետի այս կոչը, ԱԺ պատգամավոր Սամվել Ալեքսանյանը, կարծես այնքան էլ լուրջ չի ընդունել:
Ֆինանսների նախարարության օպերատիվ հետախուզության վարչությունը պարզել է, որ ԱԺ պատգամավորին պատկանող խոշոր հարկ վճարող «Ալեքս Գրիգ»-ը հարկեր է թաքցնում: Այս ընկերությունն, ըստ փաստաթղթերի, «Արմսվիթ»-ին մատակարարել է 5500 կգ շաքարավազի հումք, սակայն փաստաթղթերով ձեւակերպված է եղել 2500 կգ-ը:
Որ ԱԺ պատգամավոր Սամվել Ալեքսանյանին պատկանող այս ընկերությունը պետությունից հարկեր է թաքցնում, պարզ է դառնում հենց միայն հարկատուների ցանկն ուսումնասիրելիս:
Համեմատելով օրերս հրապարակված 1000 խոշոր հարկատուների ցանկն անցյալ տարվա նույն ժամանակահատվածի` հունվար-հունիս ամիսներին հրապարակված ցանկի հետ, արձանագրում ենք, որ «Ալեքս Գրիգ» ընկերությունն այս տարի մոտ 1 միլիոնով պակաս է հարկ վճարել: Եթե «Ալեքս Գրիգ»-ը 2013 թվականին վճարել էր 2 միլիոն 456,214.2 դրամ, ապա այս տարի` 1 միլիոն 332,265.6 դրամ:
Կարդացեք նաև
Լուսինե ԲՈՒԴԱՂՅԱՆ
