«Շատ ծանր է սահմանամերձ գյուղերի բնակչության վիճակը»,- այսօր՝ օգոստոսի 11-ին, «Պոստ սկրիպտում» մամլո ակումբում լրագրողների հետ հանդիպման ընթացքում հայտարարեց «Զորակն» հիմնադրամի հոգաբարձու, «Ռազմաքաղաքական ուսումնասիրությունների դպրոցի» կազմակերպիչ Կարեն Վրթանեսյանը:
Նրա խոսքերով՝ սահմանամերձ գյուղի բնակիչները, իրենց կյանքը վտանգելով, կատարում են նաեւ սահմանապահի աշխատանք, սակայն Ադրբեջանի կրակակետերի հասանելիության գոտում բնակվող մարդկանց զգալի մասը չի ցանկանում լքել իր բնակավայրը:
«Կարիք կա շատ ավելի ուշադրություն դարձնելու այդ գյուղերի կարիքների վրա: Իրականում, արդեն սկսվել են, ինչ-որ բաներ արվում են մեկ – մեկ ու կես տարի է, բայց ցավոք սրտի, այդ քայլերն արդեն ուշացած են, ինչ արվում էր, պետք է արվեր 20-15-10 տարի առաջ»:
Նա համարում է, որ պետք է ամեն ինչ արվի, որ գյուղացիների անվտանգության հարցը եւ սոցիալական հարցերը լուծվեն, պետք է գյուղացիները հասկանան, որ իրենք հասարակությունից կտրված չեն: Նրա գնահատմամբ՝ Ներքին Կարմիրաղբյուր գյուղի բնակչի՝ այգի մշակելն ազգային անվտանգության հարց է:
Կարդացեք նաև
Ամի ՉԻՉԱԿՅԱՆ
