ՀՀ նախագահի մամլո խոսնակ Արման Սաղաթելյանը Թվիթերի իր էջում հայտնում է Սարգսյան-Պուտին-Ալիեւ եռակողմ հանդիպման մասին: «Սկսվեց Հայաստանի Հանրապետության, Ռուսաստանի Դաշնության եւ Ադրբեջանական Հանրապետության նախագահների եռակողմ հանդիպումը»,- գրել է նա:
Հիշեցնենք, որ Հայաստանի եւ Ադրբեջանի նախագահները նախօրեին առանձին հանդիպումներ էին ունեցել ՌԴ նախագահի հետ` քննարկելով երկկողմ համագործակցություններին եւ տարածաշրջանային խնդիրներին վերաբերվող հարցեր:
Երեկ երեկոյան, Սարգսյանն ու Ալիեւն արդեն իսկ ոչ պաշտոնական հանդիպում են ունեցել` ներկա գտնվելով սամբոյի մրցաշարին: Այսօրվա` եռակողմ հանդիպման թեման լինելու է վերջին շրջանի սահմանային լարված իրավիճակը:
Նելլի ԳՐԻԳՈՐՅԱՆ
The show must go on. Կեցցե «արդար» ցարը: