Սնկի օգտակար հատկությունների, սպիտակուցով շատ հարուստ լինելու, բուսակերների համար գրեթե անփոխարինելի մթերք լինելու մասին ավելորդ է խոսելը: Մնում է սնկով ուտեստներով բազմազանեցնել մեր խոհանոցը:
Այս չափազանց հեշտ խորտիկի համար մեզ անհրաժեշտ է հրակայուն կավե աման (օրինակ՝ վրացական «կեցի»), շամպինյոններ, երեւակայություն եւ այն, ինչ կգտնենք սառնարանում:
Անհրաժեշտ մթերքները
Սունկ- 1 կգ
Աղ
Կարդացեք նաև
Պղպեղ
Բուսական յուղ կամ կարագ
Պանիր
Խոզապուխտ
Պատրաստման եղանակը 
Սունկը լվացեք: Գլխիկներն առանձնացրեք ոտիկներից: Գլխիկները շարեք հրակայուն կավե ամանի մեջ, վրան աղ եւ սեւ պղպեղ արեք: Ոտիկները կարող եք կտրատել, սոխով եւ սխտորով տապակել: Կարող եք թարմ վիճակով կտրատած լցնել գլխիկի մեջ, ավելացնել մի քիչ էլ խոզապուխտ, վրան դնել պանրի կտոր, ցանկալի է՝ սուլուգունի, բայց կարող է լինել նաեւ որեւէ այլ պանիր:
Կարող եք ուղղակի մի կտոր կարագ դնել գլխիկի վրա: Եթե ժամանակ ունեք, պատրաստեք կանաչ կարագ, որը ձեզ նաեւ այլ բաղադրատոմսերի մեջ պետք կգա, դրանով առանձնահատուկ համեղ կլինի: Կամ պարզապես մի քանի կաթիլ բուսական յուղ: Մի խոսքով՝ զոռ տվեք ձեր երեւակայությանը:
Դրեք լավ տաքացրած ջեռոցը մոտ կես ժամով:
Բարի ախորժակ:
Սունկ-սունկ մինչեւ վերջ……………..