Սամվել Մարտիրոսյանի խոսքերով՝ այսօր եւ երեկ Ddos հարձակումներ չեն եղել
Հայաստանում որոշ օգտատերերի հասանելի չեն ադրբեջանական մի շարք կայքեր, այդ թվում եւ vesti.az, az.apa.az կայքերը:
Մեդիափորձագետ Սամվել Մարտիրոսյանը Aravot.am-ի հետ զրույցում նշեց, որ հայկական կողմը վերջին շրջանում շատ է ադրբեջանական լրատվական կայքերին Ddos հարձակման ենթարկել, այդ պատճառով էլ հարձակման ենթարկված կայքերը միացրել են «հակա-Ddos-յան» համակարգերը, որոնք շատ ակտիվ գործողություն ծավալող IP հասցեները արգելափակում են.
«Այդ համակարգները կարող են միանգամից մեծ քանակությամբ հասցեներ արգելափակել, այլ ոչ թե կոնկրետ մեկ համակարգիչ: Այդ պատճառով Հայաստանում բավականին շատերի մոտ ադրբեջանական լրատվականները չեն բացում»:
Կարդացեք նաև
Պարոն Մարտիրոսյանը դժվարացավ ասել, թե երբ արգելափակված IP հասցեները դուրս կգան սեւ ցուցակներից, քանի որ դա համակարգը պետք է որոշի:
Հարցին, թե Ալիեւ-Պուտին, Սարգսյան Պուտին հանդիպումների ընթացքում Ddos հարձակումներ եղե՞լ են, Սամվել Մարտիրոսյանը պատասխանեց.
«Ո՛չ, այսօր, երեկ հանդարտ էր այդ առումով, բայց քանի որ սեւ ցուցակների մեջ են ընկած ինչ-որ IP-ներ՝ այդ պատճառով էլ շարունակում է արգելափակման մեջ լինել» :
Ամի ՉԻՉԱԿՅԱՆ
