Մենք զանգահարեցինք Կարմիր խաչի միջազգային Կոմիտեի Հայաստանի պատվիրակության հաղորդակցման ծրագրերի ղեկավար Զառա Ամատունուն եւ խնդրեցինք պատասխանել Կարեն Պետրոսյանի նկատմամբ ադրբեջանական զինվորականների ցուցաբերած անմարդկային վերաբերմունքի, նրա անձի ստորացման , գերության մեջ հայտնված խաղաղ բնակիչների վերաբերյալ միջազգային համաձայնագրերը Ադրբեջանի կողմից ոտնահարելու մասին մեր հարցին:
Զառա Ամատունին ասաց, որ կարող է հայտնել միայն հետեւյալը. «Կարմիր խաչի միջազգային կոմիտեն Ադրբեջանի իշխանությունների կողմից տեղեկացվել է,որ օգոստոսի 7-ին միջազգային սահմանը հատած Հայաստանի քաղաքացին մահացել է: Գործելով որպես անկողմնակալ միջնորդ՝ Կարմիր խաչի միջազգային կոմիտեն կապի մեջ է Հայաստանի իշխանությունների եւ մահացածի ընտանիքի հետ: ԿԽՄԿ-ն այս դեպքի հետ կապված բոլոր խնդիրների վերաբերյալ համապատասխան իշխանությունների հետ կոնֆիդենցիալ երկխոսություն է իրականացնում: ԿԽՄԿ-ն հանրայնորեն չի մեկնաբանելու դեպքի հանգամանքները»:
Ոսկան ՍԱՐԳՍՅԱՆ
մահանում են տարեցները, հիվանդները Կարենը չի մահացել սպանել են
Ցավակցում եմ Կարենի ընտանիքին և հարազատներին, նրա ողբերգական մահվան առիթով: