«Եզդի ժողովրդին կոտորում են` երեխաներին մեծերին, ոչ ոքի չեն խնայում, 500 հոգու կոտորել են, ֆիզիկապես վերացնում են մեր ժողովրդին: Մենք դիմում ենք համայն աշխարհին, որ կանգնեն մեր կողքին, փրկեն հին աշխարհի ժողովուրդներից մեկին` եզդիներին»,-ՀՀ կառավարության շենքի առաջ տեղի ունեցող բողոքի ակցիայի ժամանակ ասաց եզդիների միության նախագահ Ազիզ Թամոյանը: Եզդիներն այսօր մեծից փոքր ցույցի էին դուրս եկել` բողոքելու Իրաքում նրանց հայրենակիցների նկատմամբ կատարվող ոտնձգությունների դեմ:
Եզդիների առաջնորդի խոսքերով, եզդիների հետ վարվում են այնպես, ինչպես 1915-18 թթ-ին թուրքերը վարվեցին հայերի հետ. «մեկուկես միլիոն հայեր կոտորվեցին, այն ժամանակ 500 հազար եզդի կոտորվեց, հիմի նույնը շարունակվում է»:
Լուսինե ԲՈՒԴԱՂՅԱՆ
