Հետախույզ, ազատամարտիկ Վովա Վարդանովը եւ նրա մարտական ընկերները՝ Արտակ Բագրատյանն ու Վարդան Ենոքյանը միակարծիք են, որ լայնամասշտաբ պատերազմական գործողությունների հավանականությունը շատ փոքր է: Ընդ որում՝ պատճառները բազմաթիվ են: «Մարտում հաղթում է ոչ թե զենքը, այլ զինվորը»,-ասում է Վարդան Ենոքյանը եւ նշում, որ մեր զինվորների ոգին միշտ անհամեմատ ավելի բարձր է եղել, մարտականորեն ավելի պատրաստված են եղել, քան հակառակորդը: «Կարեւոր չէ, թե ինչ տեխնիկայով են նրանք զինված, կարեւորը մարդիկ են»:
Իր հերթին Վովա Վարդանովը նկատում է, որ Ալիեւին ամենեւին ձեռքի չի տալիս պատերազմը, որովհետեւ նա այդ դեպքում կկորցնի իր միլիարդները: «Ու մի մոռացեք, թե ո՞վ է Ադրբեջանի նախագահը: Ալիեւը չի, «Բրիթիշ պետրոլիումն» է, որը երբեք թույլ չի տա, որ ինչ-որ Ալիեւ իր ներդրումները փչացնի»:
Արտակ Բագրատյանն էլ շեշտում է, որ գերտերությունները փոքր պետությունների բնական հարստությունները շահագործում են, եւ տվյալ դեպքում գերտերությունները հարստանում են ադրբեջանական ներքին հարստությունների՝ նավթի ու գազի շնորհիվ՝ որպես «թուլափայ» այդ երկրին որոշակի գումար թողնելով, եւ, բնականաբար, նրանք ոչ մի կերպ թույլ չեն տա, որ այդ գումարների վրա սեւ ամպեր կուտակվեն՝ պատերազմի տեսքով:
Մելանյա ԲԱՐՍԵՂՅԱՆ
Այո շատ ճիշտ է: