Հայաստանում եզդիական համայնքի ներկայացուցիչներն այսօր համախմբվել էին ՄԱԿ-ի երեւանյան գրասենյակի դիմաց: Նրանք պահանջում էին դատապարտել օգոստոսի 2-ին Իրաքի եւ Լեւանտայի Իսլամական Հանրապետությունում ահաբեկչական կազմակերպությունների կողմից եզդիաբնակ Շանգալ շրջանի գրավումը: Նրանց պատմելով, ահաբեկիչները գերևարել ու սպանել են իրենց ազգակիցներին:
«Ուզում են ստեղծել իսլամական խալիֆաթ ու իսլամ չդավանող ժողովրդին ստիպում են լքել իրենց բնակավայրերը , բացի լքելուց, նաեւ սպանում են: Մարդիկ կոտորվում են նրա համար, որ մահմեդական չեն»,- ՄԱԿ-ի գրասենյակի դիմաց բողոքի ակցիայի ժամանակ ասաց «Միդիա- Շանգալ» եզդիների ազգային միավորում հ/կ խորհրդի նախագահ Ամո Շարոյանը:
Բողոքի ակցիային մասնակցելու էր եկել նաեւ ՀՀԿ տատիկը ու ակցիան ընդհատեց իր կոչերով. «Ես` որպես Հայաստանի բնակիչ, միանում եմ եզդիների բողոքին: Այո’, տասնյակ տարիներ եզդիներն ապրել են մեր կողքին: Մենք նրանցից ոչ մի վատ բան չենք տեսել: ՄԱԿ, խնդրում եմ, լսիր նրանց բողոքը եւ հարցին դրական պատասխան տուր: Նաեւ Ալիեւ, ամսի ութին, Սոչիում, որ պետք է հանդիպում ունենաս մեր սիրելի նախագահի հետ, հարցը լուծում ես դրական, մեղք են այդ երիտասարդները: Ամոթ, ամոթ քեզ, Ալիեւ»:
Պարոն Շարոյանն էլ ՀՀԿ տատիկի ելույթից հետո շարունակեց ու ասաց, որ միջազգային կառույցներին դիմելիս իրենց պահանջներն անարձագանք չեն մնում. «Ինչ-որ տեղ միջազգային կառույցները հարցերը լուծել են… օրինակ, Անգլիայի դեսպանը մեզ հայտնել է, որ արդեն իսկ զբաղվում են այդ հարցով»:
Կարդացեք նաև
Արփինե ՍԻՄՈՆՅԱՆ
Է է հ ,հարգելի եզդիներ,հայեր,ասորիներ,համաշխարհային որևէ կազմակերպությանը դիմելը նույնն է ,թե աստծուն դիմես…