Արդարադատության նախարար Հովհաննես Մանուկյանը երեկ ըստ իրենց պաշտոնական լրահոսի, գտնվել է «Սեւան» քրեակատարողական հիմնարկում:
Մինչ այդ նա այլ քրեակատարողական հիմնարկներ էլ էր այցելել, եւ տեղում ծանոթացել ներքին խոհանոցին:
Նախարարը մի նկարում գտնվում է կալանավորների իսկական խոհանոցում, բացում նրանց ճաշամանը, որպեսզի տեսնի, թե ինչ են պատրաստել օրվա համար:
Ի դեպ, որքան հիշում եմ նման բան որեւէ նախարար մինչ այդ չէր արել:
Կարդացեք նաև
Իմ հիշողություններում կա նաեւ մի պատկեր, երբ Վրաստանի նախկին նախագահը, որ մինչ այդ արդարադատության նախարարն, առաջին քայլը սկսեց նրանից, երբ ուղեկցողների հետ նստեց նույն այն մեքենան, որով տեղափոխում են կալանավորներին դատարաններ :
Ես սպասում եմ, որ Հովհաննես Մանուկյանն էլ կնստի այդ մեքենան մի օր, որովհետեւ մինչ դատարան կալանավորներին ուղեկցելը կալանավորներն արդեն իսկ վատանում են տեղափոխման ժամանակ:
Որքան տեղյակ եմ, ՀՀ կառավարության 2003թ. հուլիսի 31-ի թիվ 961-Ա որոշումը ուժի մեջ է:
Այն վերաբերում էր քրեակատարողական հիմնարկներում սննդամթերքը մեկը մյուսով փոխարինելուն, չափաբաժիններին, կենցաղային եւ խոհանոցային պարագաների ու սարքավորումների ժամկետներին, դրանց շահագործման կարգին:
Կարեւորում եմ հատկապես այս որոշումների վերանայումը, որովհետեւ կալանավորների մի մասը դժգոհում է սննդամթերքի որակից, այն սահմանափակումներից ու չափաբաժնից, որը սահմանված է ըստ այդ որոշման, եւ տրվում է իրենց:
Մասնավորապես, սննդամթերքի մեջ մտնում է հացը` 100 գրամ, տարեկանի հացը` 110 գրամ, թխվածքաբլիթ 50-60 գրամ, միս, մսամթերք`100 գրամ, ձուկ առանց…գլխի, թռչունի միս փետրած եւ չփետրած.տարբերությունը 50 գրամ է կազմում:
Թարմ կանաչին թույլատրվում է` հազար գրամ, հյութի փոշի`20 գրամ, ձմերուկ, կամ «դիլիմ». 300 հարյուր գրամ, իսկ սեխին ավելի նվազ կարեւորություն են տվել` մոտ 100 գրամով պակաս: Հավի ձուն` 1 հատ:
Ռուզան ՄԻՆԱՍՅԱՆ
