Պաշտպանության նախկին նախարար Վաղարշակ Հարությունյանը համոզված է, որ Հայաստանի ու Ղարաբաղի սահմաններում Ադրբեջանի բանակի հետ միջադեպերը կապ ունեն Ուկրաինայի ներկա իրավիճակի ու Ռուսաստան-Արեւմուտք գլոբալ հակամարտության հետ։ Ներկայացնում ենք հատված «Ժամանակի» զրույցից Վաղարշակ Հարությունյանի հետ։
– Ձեր կարծիքով՝ այս իրավիճակը ե՞րբ կհանդարտվի եւ ե՞րբ ամեն ինչ կավարտվի։
– Ես ասացի, որ իրավիճակը արհեստական է թեժացվում։ Նաեւ Ադրբեջանի շահերից է սա բխում, որ սահմաններում լարվածություն պահի եւ փորձի խուճապի մատնել Հայաստանի բնակչությանը։ Սա բխում է Ադրբեջանի շահերից։ Այսօր եւ՛ Ղարաբաղի, եւ՛ Հայաստանի հայկական բանակը շատ հստակ, շատ պրոֆեսիոնալ ձեւով պատասխանում է ադրբեջանական պրովոկացիաներին։ Լարվածությունը կավարտվի այն ժամանակ, երբ իրենք կզգան, որ որեւէ հաջողության չեն հասնելու։ Իսկ ես համոզված եմ դրա մեջ։
– Ի՞նչ սպասելիքներ կան Սոչիում Սարգսյան-Ալիեւ հանդիպումից։ Ձեր կարծիքով՝ ի՞նչ կփոխի այդ հանդիպումը։
Կարդացեք նաև
– Միայն այն, որ այդ հանդիպումը կազմակերպում է Ռուսաստանը, խոսում է այն մասին, որ Ռուսաստանը հիմա փորձում է ամեն ինչ անել, որ այս միջադեպերը չվերածվեն պատերազմի, որովհետեւ միայն Ռուսաստանն է շահագրգռված այսօր, որ տարածաշրջանում չլինի պատերազմ։
Մարինե ԽԱՌԱՏՅԱՆ
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
