Շիրակի մարզի ընդհանուր իրավասության դատարանի դատավճռով 15 տարվա ազատազրկման էր դատապարտվել Հարություն Սարգսյանը:
Դատարանը հաստատված էր համարել, որ նա սպանել է նախկին քաղաքագլուխ Վարդան Ղուկասյանի փեսային՝ Կարեն Եսայանին:
Հարություն Սարգսյանի պաշտպան Լուսինե Սահակյանը վերաքննիչ բողոք էր բերել, որը մերժվեց այսօր, երբ նախագահող դատավոր Սերգեյ Չիչոյանը հրապարակեց իրենց որոշումը:
Մերժումը լսելուն զուգահեռ Հարությունի մայրը, հարազատների հետ դուրս եկավ նիստերի դահլիճից, ասելով, թե «թող պատերի համար կարդան, թող պատերը լսեն»:
Կարդացեք նաև
Նա միեւնույն ժամանակ բարձրաձայն ասում էր, թե Շիրակի մարզի դատարանի նախագահն ասել է, թե վերեւներում հարցերը լուծված են:
Հարությունի մայրն ասաց, որ բոլոր ներպետական դատական ատյանները սպառելուց հետո դիմելու են Մարդու իրավունքների եվրոպական դատարան:
Թե մեղադրանքի կողմը, թե պաշտպանականը հրապարակման պահին ներկա չէին:
Ռուզան ՄԻՆԱՍՅԱՆ
