Մոսկվան իր մտահոգությունն է հայտնել ղարաբաղա-ադրբեջանական շփման գոտում «լարվածության կտրուկ աճի» կապակցությամբ, ասված է ՌԴ ԱԳՆ կայքում հրապարակված հաղորդագրության մեջ:
«Հայտնում ենք մեր լուրջ մտահոգությունը Լեռնային Ղարաբաղի հակամարտության գոտում լարվածության կտրուկ աճի կապակցությամբ, որի հետևանքով էական մարդկային կորուստներ են եղել: Մեր Խորին ցավակցությունն ենք հայտնում զոհերի ընտանիքներին», – ասված է ՌԴ ԱԳՆ տեղեկատվության բաժնի փոխտնօրեն Մարիա Զախարովայի հաղորդագրությունում:
Զախարովան նշել է, որ այս դեպքերն իրենք դիտարկում են որպես հրադադարի ռեժիմի և հակամարտությունը քաղաքական միջոցներով կարգավորելու մասին հայտարարությունների լուրջ խախտում: Նա կողմերին կոչ է արել զսպվածություն ցուցաբերել, հրաժարվել ուժի կիրառումից և անհապաղ միջոցներ ձեռնարկել իրավիճակը կայունացնելու համար:
«Մենք այն կարծիքին ենք, որ իրավիճակի հետագա սաստկացումն անընդունելի է», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
