Այսօր, ժամը 15.30-ի սահմաններում, ավտովթար է տեղի ունեցել Գորիս-Հարժիս ճանապարհահատվածի 12-րդ կիլոմետրում. Երեւանից մարզ ժամանող մեքենան նշված ճանապարհահատվածում դուրս է եկել երթեւեկելի մասից, պտույտներ կատարելով ընկել ձորը:
Ինչպես Սյունիքի մարզային փրկարար ծառայությունից տեղեկացնում են՝ ավտովթարի ենթարկված BMW X -5 մակնիշի 300LS03 համարանիշի ավտոմեքենայում կար 3 ուղեւոր, որոնք երեքն էլ մահացել են: Դեռեւս պարզ չէ նրանց ինքնությունը, ոչ մի փաստաթուղթ նրանց մոտ չի գտնվել:
Ինչպես Aravot.am-ին փոխանցեցին Գորիսի բժշկական կենտրոնի շտապօգնության ծառայությունից, ժամը 15.25-ի սահմաններում կանչ ստանալուց հետո դեպքի վայր ժամանելիս ավտոմեքենայի 3 ուղեւորներին՝ 2 տղամարդու եւ 1 կնոջ, տեղում մահացած վիճակում են գտել, մեքենայից դուրս, գետնին ընկած:
Որեւէ այլ մանրամասներ այս պահին հայտնի չեն:
Մերի ՍՈՂՈՄՈՆՅԱՆ
