Ադրբեջանի բանակի կրած այս կորուստներն ամենամեծն են 1994թ. մայիսի 12-ին զինադադար կնքելուց հետո, ասել է ադրբեջանցի քաղաքագետ Ուզեիր Ջաֆարովը՝ անդրադառնալով օգոստոսի 1-ի լույս հուլիսի 31-ի գիշերը շփման գծում հայերի և ադրբեջանցիների միջև տեղի ունեցած փոխհրաձգությանը: Փոխանցում է «Հաքքին.ազ»-ը:
«Ես մինչև վերջ չեմ հավատում պաշտպանության նախարարության տարածած տեղեկությանը: Ըստ երևույթին, նրանք հապճեպորեն են պատրաստել այդ տեղեկությունը: Բոլորին հայտնի է, որ հարձակվող կողմը (Ադրբեջանը պնդում է, որ իբր թե հայերն են դիվերսիոն գործողություններ կատարել, խմբ.) միշտ ավելի մեծ կորուստներ է ունենում, քան այն կողմը, որը հարձակումը փորձում է կանխել», – գրել է Ջաֆարովը Ֆեյսբուքում:
Ադրբեջանական մամուլը տարածել է, որ փոխհրաձգության արդյունքում 9 ադրբեջանցի զինծառայող է մահացել, 4-ը վիրավորվել է:
Հայկական կողմի տվյալներով՝ ադրբեջանական կողմից 14 հոգի է զոհվել:
Կարդացեք նաև
Պատրաստեց Հովհաննես ԻՇԽԱՆՅԱՆԸ
