Աշխարհաքաղաքական ներկայիս զարգացումները, մասնավորապես, Ուկրաինայի տարածքում տեղի ունեցող իրադարձությունները, ըստ «Ղարաբաղ» կոմիտեի նախկին անդամ Աշոտ Մանուչարյանի, միտված են մի բանի`փոխել աշխարհակարգը: Իսկ դրա հետեւում, ըստ նրա կանգնած է համաշխարհային օլիգարխիան, որին ձեռնտու է կոնֆլիկտային իրավիճակը, քանզի դա վերահսկելի է դարձնում պետությունները: Այդ զարգացումների արդյունքում, Աշոտ Մանուչարյանը չի բացառում, որ Հայաստանը վերածվի քաոսի, այն պարագայում, եթե որոշվի «կովկասյան կոմունիկացիոն միջանցքը փակել»:
Խոսելով այս պահին Հայաստանի միջազգային հարթակում ունեցած տեղի ու դերի մասին, բանախոսը նկատեց, որ մեր երկրի եւ արտաքին, եւ ներքին քաղաքականությունում արդեն 25 տարի է՝ նվազում է գնում, քանի որ մենք չունենք սեփական նպատակ, սեփական կամք եւ միտք: «Այդ իմաստով մեր դերակատարումը զրո է»,- ասաց նա հավելելով. «Բայց իրականում կարող է մեծ լինել շատ կարճ ժամանակահատվածում: Այսօր արդեն հարցադրումները կատարվում են եւ հարյուր հայից ինձ ավելի հետաքրքիր են ոչ թե 99-ը, որոնք վհատված են, այլ այն մեկը, որ տեսնում է ելքը: 1988-99 թվականներին մենք տեսել ենք ելքը, ունեցել ենք վերելքը, ժողովուրդը կազմավորել էր համակարգը եւ այդ պետությունում չկար ոչ մի կաշառակեր: Մեզ նոր ընդվզումն է պետք: Պարտադրանքի համակարգ է պետք եւ դա մենք գիտենք ու կարող ենք աշխարհին էլ ցույց տալ: Սփյուռքի ներուժն էլ ճիշտ պետք է օգտագործենք: Ես դիմում եմ, այն հարյուրից մեկին, եթե այդ մեկերը ոտքի կանգնեն, մնացյալը կակտիվանան»:
Աշոտ Մանուչարյանը համամիտ չէ այն դիտարկումներին, որ այժմ Ուկրաինայում նույն զարգացումներն են ընթանում, ինչ-որ 1988-99-ին մեզ մոտ.«Ուկրաինան նույնը չարեց, Ուկրաինան ընդվզեց մասնակիորեն»:
Բանախոսի այլ դիտարկումները` տեսանյութում
Կարդացեք նաև
Հայաստանի`ԵՏՄ անդամակցության ձգձգումը Աշոտ Մանուչարյանը նույնպես կապում է աշխարհում առկա իրավիճակի հետ: Հարցի հանգուցալուծումը նա տեսնում է հենց հետագա զարգացումներում. «Առաջինը ՌԴ-ում կոլապս կսկսվի, թե՞ ԱՄՆ-ում: Հիմա դոլարի նկատմամբ էլ հիմա գործընթացներ են գնում: Տեսնենք»:
Նելլի ԳՐԻԳՈՐՅԱՆ
