Հուլիսի 29-ին ՀՀ արտգործնախարար Էդվարդ Նալբանդյանը հանդիպեց աշխատանքային այցով Հայաստանում գտնվող Կանադայի աշխատանքի և սոցիալական զարգացման նախարար, բազմամշակութայնության հարցերով նախարար Ջեյսոն Քենիին:
Ողջունելով հյուրին` նախարար Նալբանդյանն իր գոհունակությունը հայտնեց
Հայաստանի և Կանադայի միջև հաստատված ջերմ բարեկամական հարաբերությունների և սերտ քաղաքական երկխոսության կապակցությամբ` միևնույն ժամանակ կարևորելով դրանց առավել զարգացումն ու խորացումը:
Ընդգծվեց կանադահայ համայնքի դերը` իբրև երկու երկրներին միացնող կարևոր օղակի:
Կարդացեք նաև
Բազմամշակութային համագործակցության համատեքստում նախարար Նալբանդյանն առանձնացրեց երկկողմ սերտ փոխգործակցությունը Ֆրանկոֆոնիայի միջազգային կազմակերպության շրջանակներում:
Հանդիպման ընթացքում զրուցակիցներն անդրադարձան միջազգային, տարածաշրջանային հարցերի լայն շրջանակի:
Նախարար Նալբանդյանն իր երախտագիտությունը հայտնեց Կանադայի կողմից 2004 թվականին Հայոց Ցեղասպանության ճանաչման կապակցությամբ: Նա ընդգծեց, որ Հայաստանում բարձր են գնահատում Կանադայի Վարչապետ Սթիվեն Հարփերի` Ապրիլ 24-ի ամենամյա ուղերձները:
ՀՀ ԱԳՆ
