«Եվրասիական տնտեսական միությունը, Մաքսային միությունն ուժեղ կլինեն, եթե նրանց բոլոր կառույցները, բոլոր օղակները անխափան աշխատեն: Դա մրցունակություն է: Այսինքն, քաղաքական, տնտեսական, մշակութային, ինֆորմացիոն բոլոր կառույցներն աշխատեն»,- այսօր, «Նովոստի» միջազգային մամուլի կենտրոնում կայացած «Եվրասիա. դիմակայություն Արևմուտքին կամ զարգացման արդյունավետ ուղի» թեմայով Ռուսաստան–Հայաստան–Վրաստան–Մոլդովա տեսակամուրջի ժամանակ ասաց ՀՀ ԱԺ ՕԵԿ խմբակցության պատգամավոր Մհեր Շահգելդյանը:
Բանախոսը միաժամանակ նկատեց, որ օրինակ տեղեկատվական համակարգի սահմանափակ աշխատանքի մասին բազմիցս է խոսվել: Մինչդեռ կան բավականին կարեւոր խնդիրներ, որոնք չեն հասնում յուրաքանչյուր մարդու, ըստ այդմ էլ հասարակական կարծիք ձեւավորելով: Մհեր Շահգելդյանը մնացյալ հարցերից զատ կարեւորում է հենց տեղեկատվական պատերազմում հաղթանակը:
Մհեր Շահգելդյանը նույնպես կարեւորում է Շանհայի համաձայնագրի երկրների հետ ԵՏՄ-ի եւ ՄՄ-ի սերտ համագործակցությունը: Նա կարծում է, որ համակարգերի արդյունավետ գործունեության, ինչպես նաեւ նշաձողերի հարցերը հենց այսօր պետք է բարձրացվեն եւ բացի գլոբալ հարցերից, աշխատանք պետք է տարվի անգամ յուրաքանչյուր քաղաքացու սոցիալական խնդիրների մակարդակով: Պլանավորումն, ըստ նրա, պետք է ներառի բոլոր մոտեցումները:
Կոնկրետ Հայաստանում, ըստ Մհեր Շահգելդյանի, այդ ամենը պետք է իրականացվի մի քանի ուղղություններով՝ քաղաքական, տնտեսական եւ այլն, միաժամանակյա ռեֆորմներով, որոնք պետք է հասու լինեն բոլոր քաղաքացիներին:
Կարդացեք նաև
Նելլի ԳՐԻԳՈՐՅԱՆ
