«Անցել է բավական ժամանակ, եւ վերջին տեղեկություններով՝ տեղի ունեցածը խուլիգանություն չէի անվանի, բայց այն տեղի է ունեցել իրար չհասկանալու հողի վրա»,- այսօր՝ հուլիսի 29-ին, «Մեդիա կենտրոնում» տեղի ունեցած լրագրողների հետ հանդիպման ընթացքում հայտարարեց փորձագետ Ջոնի Մելիքյանը:
Հիշեցնենք՝ սույն թվականի հուլիսի 19-ին Թիֆլիսի Սուրբ Էջմիածին հայկական եկեղեցու վրա հարձակում է տեղի ունեցել:
Նրա խոսքերով՝ վերջին քսան տարիների ընթացքում հակահայկական տրամադրվածությունը նոր բան չէ Վրաստանում, եւ ժամանակ առ ժամանակ վրացական որոշ ուժերն օգտագործում են Վրաստանում հայկական համայնքի գործառույթը.
«Վարվում է հատուկ տեղեկատվական քաղաքականություն, եւ երբ արդեն անհրաժեշտություն չի լինում, արդեն նվազում են վրացական ԶԼՄ-ներում հակահայկական հրապարակումները եւ այլն: Այդ փաստը չեմ կապի եկեղեցում տեղի ունեցած դեպքերի հետ»:
Ասուլիսի ընթացքում բանախոսներին տեսազանգով միացել էին նաեւ Ռազմավարական հետազոտությունների կենտրոնի փորձագետ Գեորգի Գվիմրաձեն եւ «Քաղաքացիական պայմանագրի» խորհրդի անդամ Արսեն Խառատյանը: Գեորգի Գվիմրաձեն նշեց, որ միջադեպին վրացական կողմը սկզբնական գնահատական էր տրվել, որ դա կոնֆլիկտ էր՝ առաջացած կենցաղային խնդիրների պատճառով.
«Գլխավորն այն է, թե կա՞ն պատճառներ, որ մենք անհանգստանանք: Սկզբունքորեն ես չէի տարանջատի հայկական էթնիկական խումբը, քանի որ կան վրացական խմբեր, ովքեր ունեն ծայրահեղական տրամադրություններ, եւ նրանց համար անընդունելի է բնակչության մի մասը, այդ թվում եւ հայերը»:
Կարդացեք նաև
Ամի ՉԻՉԱԿՅԱՆ
