«Առավոտ» թերթն իմ սիրելի թերթերից է: 20 տարի, կարելի է ասել, ամեն օր ընթերցում եմ այդ թերթը, հատկապես` հետաքրքրում են Արամ Աբրահամյանի առաջնորդողները, կարդում եմ Գոհար Հակոբյանի մշակութային էջը, նաեւ հոդվածներն ու հարցազրույցները. շատ հետաքրքիր եւ թարմ հայացք է` մեր հասարակությանը, կյանքին: Այնպես որ՝ թերթն իր գոյության ընթացքում իր դաշտն է ստեղծել: Ես կարծում եմ` իրեն հարգող մտավորականը թերթի կարծիքը կցանկանա իմանալ, որովհետեւ մի հայացք է նետում, որն ինքնուրույն է եւ հաճախ մեկ այլ ասպեկտով է դիտարկում ներկան, մեր անցյալի իրողությունները:
Էդվարդ Միլիտոնյան
Գրողների միության նախագահ
«Առավոտ» օրաթերթ
26.07.2014
