ԱԻՄ առաջնորդ Պարույր Հայրիկյանը օրերս նամակ էր ուղարկել նախագահ Սերժ Սարգսյանին՝ պահանջելով նրա հրաժարականը:
Aravot.am-ի հետ զրույցում այս առնչությամբ ՀԱԿ խմբակցության պատգամավոր Լյուդմիլա Սարգսյանը, հարցին, թե ի՞նչ նշանակություն ունի այսպիսի նամակներ գրելը Սերժ Սարգսյանին եւ ի՞նչ արդյունք կտա կոնկրետ Պարույր Հայրիկյանի նամակը՝ պատասխանեց. «Չեմ ցանկանում վիրավորել Պարույր Հայրիկյանին, բայց կարծում եմ, նա չի, որ պիտի պահանջեր Սերժ Սարգսյանի հրաժարականը: Առավել եւս նա շատ լավ հասկանում է, որ իր նամակով Սերժ Սարգսյանը հրաժարական չի տալու: Մենք տարիներ շարունակ այդ հրաժարականը պահանջում ենք եւ գործով ենք պահանջում, ոչ թե նամակով: Բայց, ինչպես տեսնում ենք, Սերժ Սարգսյանը դեռ իր որոշումը չի կայացրել: Որոշել է, որ դեռ գաղջ մթնոլորտը պետք է պահպանել Հայաստանում: Հույս ունեմ, որ մոտ ապագայում նա կգա այդ որոշման: Կամ նա պարտադրված կլինի այդ որոշումը կայացնելու, որովհետեւ իր նախագահության ամբողջ ընթացքն ուղեկցվում է ձախողումներով եւ տապալումներով: Այդ ամենը չի կարող հավերժ լինել: Եթե նա ցանկանում է այս երկրում՝ մեր երկրում գոնե ապրել, ուրեմն պետք է շատ շուտ որոշում կայացնի, որ պետք է հրաժարական տալ»:
Հռիփսիմե ՋԵԲԵՋՅԱՆ
ճիշտ,անվախ խոսացող հայ կանայք մեր սրբությունն են :Ձեր ցավը տանեմ:
Ես համամիտ եմ այս կարծիքին:Հայ կանայք իրոք, անկրկնելի են, թեև ոչ մի կերպ չեմ հասկանում, թե ինչու են այդ հրեշտակների հրեշներ ծնվում:Սիրում եմ հայ աղջկա, իմ կամքից անկախ, գնահատում եմ նրանց ծով հոգիները, եթե նրանցով լիներ, սերժերը իրանական գնացքի ռելսերը պիտի …
Սերժն իր վերջը գիտի ու այլևս մեկ է թե երբը երբ կմոտենա,:Թունելներ է փորում, բայց լույսը չի երևում, որովհետև խտացող է պարսկամութը: