ՀՀ վարչական դատարանը` նախագահությամբ դատավոր Արման Թովմասյանի, այսօր միանգամից չորս որոշում կայացրեց` ընդդեմ ոստիկանության, հօգուտ քաղաքացիական ակտիվիստների: Վարչական դատարանի վճռով ոչ իրավաչափ ճանաչվեցին Երեւան քաղաքի ոստիկանության կենտրոնական բաժնի ոստիկանների գործողություններն`ընդդեմ քաղաքացիական ակտիվիստներ Գոռ Առաքելյանի, Վահագն Մինասյանի, Կարեն Հարությունյանի եւ Մհեր Արշակյանի:
Ակտիվիստների նկատմամբ վարչական տույժեր կիրառելու ոստիկանության հայցերը մերժվեցին: Երեւան քաղաքի ոստիկանության վարչությունից ընդհանուր առմամբ կգանձվի 600 հազար դրամ`յուրաքանչյուր գործով`150 հազար դրամ, իբրեւ իրավաբանական ծառայությունների մատուցման գումար: Վճիռն ուժի մեջ է մտնում հրապարակման պահից մեկ ամիս հետո, կարող է բողոքարկվել ՀՀ վարչական վերաքննիչ դատարան:
Վճռի հրապարակմանը քաղաքացիական ակտիվիստներից ներկա էր միայն Մհեր Արշակյանը: Հիշեցնենք, գործերը վերաբերվում են անցյալ տարի, օգոստոսի 24-ին, ընդդեմ տրանսպորտի թանկացման ակցիաների ժամանակ քաղաքացիական ակտիվիստների եւ ոստիկանների միջեւ տեղի ունեցած միջադեպերին:
Կարդացեք նաև
Նելլի ԳՐԻԳՈՐՅԱՆ
