Այսօր Կառավարությունը որոշեց «Հայգազարդ» ընկերության պարտքը մարել նրա՝ «Նաիրիտ-2» եւ «Նաիրիտ Գործարան» փակ բաժնետիրական ընկերություններում ունեցած բաժնետոմսերը վերցնելով: Այս մասին կառավարության նիստին հայտնեց էներգետիկայի եւ բնական պաշարների փոխնախարար Լեւոն Շահվերդյանը:
Նշենք, որ «Հայգազարդ» ընկերությունը պարտք է պետությանն ու «Որոտանի հիդրոէլեկտրակայանների համալիր» ՓԲԸ-ին: «Նաիրիտ – 2» փակ բաժնետիրական ընկերությունում «Հայգազարդի» բաժնետոմսերը 53,27 տոկոս են, իսկ «Նաիրիտ Գործարան»-ինը՝ 3,5967 տոկոս:
Լուսինե ԲՈՒԴԱՂՅԱՆ
