ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտնել է, որ Մինսկի խմբի համանախագահների և ԵԱՀԿ գլխավոր քարտուղար Լամբերտո Զանիերը հետ քննարկելու են Ղարաբաղի հակամարտության կարգավորման և վերջին շրջանում սահմանում ստեղծված լարվածության հարցերը:
«Մեկնում եմ Վիեննա Մինսկի ներկայացուցիչներին և ԵԱՀԿ գլխավոր քարտուղարին տեղեկացնելու Ղարաբաղի հակամարտության կարգավորման հարցի մասին: Վերջին շրջանում տեղի ունեցած բռնության վերաբերյալ համանախագահներն այսօր հանդես կգան հայտարարությամբ», – հուլիսի 23-ին Թվիթերի իր էջում գրել է Ուորլիքը, սակայն չի նշել, թե կոնկրետ ինչ բռնության մասին է խոսքը:
Հուլիսի 22-ին Մինսկի խմբի համանախագահները Բրյուսելում հանդիպել են Հայաստանի և Ադրբեջանի արտաքին գործերի նախարարների հետ:
Պատրաստեց Հովհաննես ԻՇԽԱՆՅԱՆԸ
Կարդացեք նաև
