«Ակնհայտ է, որ հայկական եւ վրացական եկեղեցիները ոչ պաշտոնապես իրար հետ գզվռտոցի մեջ են եղել»,- այսօր՝ հուլիսի 22-ին, «Ֆորում» մամլո ակումբում լրագրողների հետ հանդիպման ընթացքում հայտարարեց Քայքայիչ պաշտամունքներից տուժածների օգնության եւ վերականգնողական կենտրոնի ղեկավար Ալեքսանդր Ամարյանը:
Հիշեցնենք` շաբաթ օրը` հուլիսի 19-ին, ժամը 17:00-ի սահմաններում, Թբիլիսիի Սուրբ Էջմիածին եկեղեցու բակում հարձակում է իրականացվել եկեղեցու հոգեւոր դասի, թեմի պաշտոնության եւ հավատացյալների վրա:
Նրա խոսքերով՝ այս միջադեպն ավելի շատ խուլիգանություն էր, քան կրոնական անհանդուրժողականություն: Նա համարում է, որ եթե այդ միջադեպը տեղի ունենար Հայաստանում` վրացական եկեղեցու նկատմամբ աղմուկն ավելի շատ կլիներ.
«Քանի որ Վրաստանը իրենց ձեռքում խամաճիկ պետություն է, այդքան ձայն էլ չեն հանում: Այն պետությունները, որոնք կախվածության մեջ չեն իրենցից, այս փոքր միջադեպերն օգտագործում են քաղաքական աստառներով»:
Կարդացեք նաև
Պարոն Ամարյանը համարում է, որ այս միջադեպը հոգեբանական ճնշում չէ վիրահայ հավատացյալների համար, ըստ նրա կանխատեսմամբ` վիրահայերն այս դեպքը կօգտագործեն միավորվելու համար, այսինքն` հակառակ հետեւանք կունենա:
Ալեքսանդր Ամարյանը նաեւ չի բացառում, որ այս իրավիճակը ստեղծված լինի երրորդ անձանց կողմից.
«Իրենց առջեւ խնդիր են դրել փչացնել հայ-վրացական հարաբերությունները: Դրան արձագանք անպայման պետք է տրվի, անպատասխան ոչ մի բան պետք չէ մնա»:
Ամի ՉԻՉԱԿՅԱՆ
