Դոնեցկի «Շախտյորի» գլխավոր մարզիչ Միրչա Լուչեսկուն համոզված է, որ լեգեոներականների՝ ակումբ վերադառնալ չցանկանալը նրանց գործակալ Կիա Ջուրաբչյանի ձեռքի գործն է:
«Հարկավոր է բացատրել, թե ինչ է կատարվել: «Լիոնի» հետ խաղից մի քանի ժամ առաջ հայտնվեց գործակալ Կիա Ջուրաբչյանը: Իսկ հանդիպումից հետո, գիշերվա ժամը 2:00-ին, նա հետը տարավ մեր տաղանդավոր ֆուտբոլիստներին՝ Տեյշեյրային, Դուգլասին, Ֆրեդին ու էլի մի քանիսին: Նա ուզում էր նույն բանն անել նաեւ Ադրիանոյի, Իլսինյոյի, Մարսելի, Թայսոնի հետ, բայց նրանք հրաժարվեցին:
Ջուրբչյանի նպատակը ֆուտբոլիստներին ազատ գործակալ դարձնելն է, որպեսզի դրամ աշխատի: Նա ցանկանում է օգտվել երկրում տիրող իրավիճակից եւ ֆուտբոլիստներին անվճար ստանալ: Բայց նրանք պայմանագիր ունեն: Ես ֆուտբոլիստներին ասել եմ, որ մարզվելու եւ խաղալու ենք Խարկովում: Դոնեցկ կվերադառնանք, երբ այնտեղ ամեն բան կարգավորվի: Այդ Կիա Ջուրաբչյանը մաֆիոզի է»:
«Շախտյորի» վեց ֆուտբոլիստներ՝ Տեյշեյրան, Ֆրեդը, Դենտինյոն, Դուգլասը, Կոստան եւ Ֆակունդո Ֆերրեյրան, Ֆրանսիայում ընկերական հանդիպումների շարքի ավարտից հետո հրաժարվել են վերադառնալ Դոնեցկ:
Կարդացեք նաև
Աշոտ ՀԱԿՈԲՅԱՆ
Լուսանկարը՝ Eurosport-ի
