Ծաղկաձորի օլիմպիական մարզաբազայի մարզադաշտում այսօր պարանի ձգում մրցաձեւով մեկնարկեց ՀՀ նախագահի մրցանակի համար «Լավագույն մարզական ընտանիք 2014» մրցույթի եզրափակիչ փուլը, որին մասնակցում են Հայաստանի բոլոր մարզերի, Երեւանի եւ Արցախի 144 ընտանիքներ: Նրանք չորս տարիքային խմբերում որոշում են երեքական լավագույն ընտանիքներին, որոնց անունները հայտնի կդառնան երեկոյան:
Քանի որ այս տարի մարզային փուլերում հաղթել եւ առաջին անգամ եզրափակչին մասնակցելու իրավունք նվաճել են բազմաթիվ նոր ընտանիքներ, մրցույթի գլխավոր կազմակերպիչ եւ պատասխանատու, ՀՀ սպորտի եւ երիտասարդության հարցերի փոխնախարար Խաչիկ Ասրյանը նախորդ օրը երեկոյան մարզային պատվիրակությունների պատասխանատուներին, բոլոր ընտանիքներին մեկ անգամ եւս հիշեցրեց մրցույթի եզրափակիչ փուլի անցկացման կանոններն ու պահանջները, հույս հայտնեց, որ կպահպանվի արդեն ձեւավորված ավանդույթը՝ ամեն տարի մրցակցությունը կլինի ավելի թեժ ու անզիջում, գրանցվող ցուցանիշներով կգերազանցի նախորդներին:
Աշոտ ՀԱԿՈԲՅԱՆ
