Այսօր ժամը 17:00-ին «Վանաձոր-Քիմպրոմ» ՓԲԸ-ի մի խումբ աշխատակիցներ, ՀՀ ԱԺ պատգամավոր Էդմոն Մարուքյանի ձեռք բերած պայմանավորվածության համաձայն, պետք է հանդիպեին ՀՀ վարչապետ Հովիկ Աբրահամյանի հետ:
Aravot.am-ը, սակայն, ԱԺ պատգամավորից տեղեկացավ, որ գործարանի աշխատակիցների ընդունելությունն անորոշ ժամանակով հետաձգվել է` ՀՀ վարչապետի ունեցած աշխատանքային ծանրաբեռնվածության պատճառով:
«Հանդիպումը հետաձգվել է անորոշ ժամանակով, այս շաբաթ քիմպրոմցիները չեն հանդիպի ՀՀ վարչապետի հետ»,-Aravot.am –ի հետ զրույցում ասաց ԱԺ պատգամավոր Էդմոն Մարուքյանը:
Նախորդ չորեքշաբթի ՀՀ Լոռու մարզպետարանի դիմաց տեղի ունեցած հերթական ցույցից հետո ՀՀ էներգետիկայի եւ բնական պաշարների նախկին նախարար, ՀՀ նախագահի խորհրդական Արմեն Մովսիսյանը հանդիպեց քիմպրոմցիների հետ:
Հանդիպումից գործարանի աշխատողները գոհ են:
Կարդացեք նաև
Նրանց խոստացվել է մինչեւ օգոստոսի 10-ը աշխատավարձ վճարել, մի քանի ամսվա ընթացքում էլ աշխատեցնել մի քանի արտադրամաս:
Անուշ ԲՈՒԼՂԱԴԱՐՅԱՆ
