«Օրինաց երկիր» կուսակցության՝ էլեկտրաէներգիայի սակագների բարձրացման եւ շղթայական թանկացումների դեմ հանրահավաքի թեման հրատապ էր: Ժողովուրդն էլ, չնայած ամռան տապին, մի տեսակ կարոտել էր հանրահավաքներին:
Դիմելով հանրահավաքի մասնակիցներին՝ ՕԵԿ կուսակցության փոխնախագահ, ԱԺ պատգամավոր Հեղինե Բիշարյանը ասաց. «Սա մեր բոլորի հանրահավաքն է՝ անկախ նրանից, թե ով է հանրահավաքի կազմակերպողը: Ձեր ներկայությունն արդեն փաստում է, որ սա մեզանից յուրաքանչյուրի հանրահավաքն է: Սակագների այս բարձրացումը նման է գրպանահատ ժուլիկի, որը օրը ցերեկով, ցանկացած պահի կարող է մտնել մեր գրպանը: Եվ եթե մենք մեկ անգամ չփակենք մեր գրպանը, ապա ամբողջ կյանքում անիմաստ կբողոքենք եւ արդյունքի չենք հասնի: Մեր պայքարի ակունքները բխում են հասարակության սոցիալական խնդիրներից: Մենք հավատարիմ ենք մնացել մեր առաքելությանը, բարձրացրել եւ պաշտպանել ենք մարդու եւ քաղաքացու սոցիալական իրավունքները:
«Օրինաց երկիրն» իր քաղաքական գործունեությամբ ձեզ հետ միասին անցած տարիների արդյունքում լուծել է բազմաթիվ խնդիրներ: Մենք պայքարել ենք հանուն գրագիտության, ոչ թե խավարամտության, հանուն տնտեսական ազատության, ոչ թե օլիգարխիկ տնտեսության, հանուն մարդու իրավունքի, ոչ թե շղթայված ազատության, հանուն սոցիալական արդարության, ոչ թե խայտառակ բևեռացման թե իշխանության մեջ, թե ընդդիմադիր դաշտում», – ասաց տիկին Բիշարյանը եւ հավաստիացրեց, որ կուսակցությունը շարունակելու է պայքարը, որքան էլ չարակամները իրենց քննադատեն ու հարվածեն:
Կարդացեք նաև
Աշոտ ՀԱԿՈԲՅԱՆ
