«Հայաստանը ազատ երկիր տեսնելով է պայմանավորված, որ ես այստեղ եմ»,-այսօր՝ հուլիսի 18-ին, Երևանի Կենտրոն և Նորք -Մարաշ վարչական շրջանների ընդհանուր իրավասության դատարանում «Շանթ Հարությունյան և ընկերներ» գործով դատական նիստին ներկա է «Ժառանգություն» կուսակցության առաջնորդ Րաֆֆի Հովհաննիսյանը:
Aravot.am-ի հարցին՝ սա նշանակում է, որ Րաֆֆի Հովհաննիսյանը սատարում է Շանթ Հարությունյանի՞ն, պարոն Հովհաննիսյանը պատասխանեց. «Հայաստանի քաղաքացին և Հայաստանի ազատ ապագան սատարում է Շանթ Հարությունյանի և ընկերների պայքարին և ազատության պահանջին: Դուք գիտեք իմ տեսակետը, ու ոչ միայն իմ, շարքային հայաստանցու հավատամքն է, որ մեր երկիրը պետք է դառնա ազատ»:
Ամփոփելով՝ Րաֆֆի Հովհաննիսյանն ասաց. «Այս տղաները քաղբանտարկյալներ են, նրանք, ովքեր իրեն նստեցրել են, իրենք պետք է նստեն»:
Տաթև ՀԱՐՈՒԹՅՈՒՆՅԱՆ
Կարդացեք նաև
