Կինոգետ, կինոքննադատ Ռիչարդ Պենյան այսօր «Ոսկե ծիրան» միջազգային 11-րդ կինոփառատոնի շրջանակներում «Նաիրի» կինոթատրոնում անցկացրեց վարպետության դաս՝ «Աֆրոամերիկյան անկախ կինոյի սկզբնավորումը» թեմայով: Անդրադառնալով թեմային՝ Պենյան նշեց. «Աֆրոամերիկյան ֆիլմերն իրենց առանձնահատուկ տեղն ունեն ամերիկյան ֆիլմարտադրության մեջ, և դրանք հասկանալու համար պետք է բավականին լավ ծանոթ լինել համաշխարհային պատմությանը. տեղյակ լինել համաշխարհային պատերազմներից, հասկանալ Ամերիկայի քաղաքականությունն ու մոտավոր պատկերացնել քսաներորդ դարասկիզբը:
Աֆրոամերիկացիների առաջին ֆիլմերում ցուցադրվում է պայքարը «սպիտակ» մարդկանց հետ, որոնք ամեն կերպ փորձում էին ճնշել ու ստրկացնել «սևերին»: Պետք է նշել նաև, որ աֆրոամերիկյան ֆիլմերում կրոնական թեման տասը տոկոսով ավելի շատ է արծարծվում, քան հենց նույն Հոլիվուդում»:
Ռիչարդ Պենյան հյուրերին ներկայացրեց մի քանի կարճամետրաժ ֆիլմեր, որոնք պատմում էին աֆրոամերիկացիների կյանքի, պայքարի ու խնդիրների մասին: Ընթացքում կինոգետը նաև ներկայացնում էր ֆիլմի ռեժիսորների կենսագրությունը՝ աֆրոամերիկյան ֆիլմարտադրությունը բաժանելով որոշակի փուլերի:
Հանդիսատեսը Ռիչարդ Պենյայի հետ միասին դիտեց նաև 1941 թվականին նկարահանված «Հիսուսի արյունը» («The blood of Jesus») աֆրոամերիկյան երկարամետրաժ ֆիլմը, որի ռեժիսորը Սփենսեր Վիլյամսն է:
Կարդացեք նաև
Դիտումից հետո հյուրերը կինոգետի հետ քննարկեցին ֆիլմը, որից հետո Պենյան պատասխանեց հանդիսատեսի հարցերին:
«The blood of Jesus» ֆիլմը՝
Ռիչարդ Պենյայի դասախոսություններից մեկը՝ ամերիկյան ֆիլմարտադրության մասին՝
Սյունե ՍԵՎԱԴԱ
