Շվեդիայի արտաքին գործերի նախարար Կառլ Բիլդտը՝ անդրադառնալով ԵՄ Արևելյան գործընկերության ծրագրին, հայտնել է, որ այն լուրջ խնդիրների առջև է կանգնած, փոխանցում է «Կոնտակտ»-ը:
Ելույթ ունենալով Վաշինգտոնում Ատլանտյան խորհրդի նիստերի ժամանակ՝ Բիլդը նշել է, որ մինչդեռ Վրաստանը, Ուկրաինան և Մոլդովան ակտիվորեն առաջ են շարժվում, Հայաստանը որոշեց միանալ Մաքսային միությանը, սակայն, ըստ նրա, Երևանն առանձնապես ընտրության հնարավորություն չուներ. «Կանչեցին Մոսկվա ու ընտրության առջև կանգնեցրին: Նրանց ստիպեցին [ՄՄ մտնել]», – ասել է Բիլդտը:
Ադրբեջանի մասով նախարարն ասել է, որ այդ երկիրն իր իշխանական համակարգով խնդիրներ է ստեղծում Եվրոպայի համար. «Ադրբեջանն առանձին պատմություն է: Նրանք նստած են նավթի վրա և զարգացնում են ավտորիտար քաղաքականությունը, ինչը մեզ համար խնդիրներ է ստեղծում»:
Ինչ վերաբերում է Բելառուսին, Բիլդտի համար այդ հարցն անորոշ է: Ըստ նրա, թեև Բելառուսը խիստ կախված է ռուսական էներգակիրներից, սակայն բելառուսները շատ բացասական են վերաբերվում Ռուսաստանի վարած քաղաքականությանը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
