Լեւոն Հայրապետյանն այն եզակի մեծահարուստներից է, ով համարձակ գնահատականներ է հնչեցրել ու քննադատել ՀՀ իշխանություններին։ «Հայաստանի ղեկավարությունը չունի արհեստավարժություն։ Դա խայտառակություն է, երբ թոշակն ավելացնում են 6 դոլարով։ Եթե ստիպել օլիգարխներին եւ նրանց նմաններին մարել Հայաստանի արտաքին պարտքը, ապա ծերերին կարելի կլինի ավելացնել ոչ թե 6, այլ 100 դոլար։ Պետք է սկսել դրանից»,- մի քանի տարի առաջ հայտարարել էր նա՝ ասելով, որ չի կարող հասկանալ բիզնեսմենների անկշտությունը, ինչն ստիպում է նրանց մտնել քաղաքականություն՝ ավելի շատ փող վաստակելու համար։
«Երբ նայում ես Հայաստանին դրսից՝ սփյուռքահայի հայացքով, մազերդ բիզ-բիզ են կանգնում»։
Նա հայտարարել է նաեւ Հայաստանում օլիգարխիկ համակարգի չեզոքացման անհրաժեշտության, կոռուպցիայի դեմ պայքարի անհրաժեշտության մասին։
Հայրապետյանը ժամանակին առաջարկում էր իրականացնել «Ցուցակ» օպերացիա։ «Այդ «ցուցակը» հայտնի է բոլորին։ Հեռուստացույցով ցուցադրվող որոշ օլիգարխներ նվիրաբերում են ժողովրդին կոպեկներ այն ամենից, ինչ գողացել են ժողովրդից։ Նրանք դրանով բարեգործի իմիջ են ստեղծում՝ այդ ֆունդամենտի վրա քաղաքական նպատակներ կառուցելով։ Ցանկանում եմ ընդգծել. նրանք տալիս են կոպեկներ չմուծած հարկերից կամ ժողովրդից գողացած փողերից։ Հայաստանում հարյուրից ավելի օլիգարխների գոյությունը չմուծված հարկերի արդյունք է, իսկ նրանց կողմից իրականացվող «բարեգործությունն» ուղղակի ողորմություն է։ Հայաստանում ցինիզմն է ծաղկում»,- ասել է Լեւոն Հայրապետյանը:
Կարդացեք նաև
Լուսինե ՇԱՀՎԵՐԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
