Հանրային ծառայությունները կարգավորող հանձնաժողովի մոտ կազմակերպված բողոքի ցույցերից մեկին «Ժառանգության» պատգամավոր Զարուհի Փոստանջյանը գնացել էր իր փոքր աղջկա հետ:
Այդ օրը բախումներ եղան ոստիկանների ու քաղաքացիների միջեւ ու ԶԼՄ-ներում տարածվեց տիկին Փոստանջյանի երեխայի տագնապի, լացի տեսանյութերը՝ բախման ժամանակ:
Սա սոցցանցերում բուռն քննադատության տեղիք տվեց: Շատերը սկսեցին մեղադրել Զարուհի Փոստանջյանին՝ վատ մայր լինելու, երեխային սթրեսի ենթարկելու մեջ:
Aravot.am-ը «Ժառանգության» վարչության անդամ Անահիտ Բախշյանից հետաքրքրվեց՝ որպես բազմազավակ մայր, փորձառու տատիկ ի՞նչ կարծիք ունեք, ճի՞շտ էր վարվել Զարուհի Փոստանջյանը՝ իր երեխային տանելով ցույցի, թե՞ ոչ: Անահիտ Բախշյանը պատասխանեց. «Երեխայի իրավունքների տեսանկյունից ճիշտ չէր միանշանակ: Իսկապես այդ երեխան սթրեսի ենթարկվեց: Բայց Զառան, որպես քաղաքական գործիչ, մայր, ով նաեւ հայտարարեց, որ երեխայի ներկայությամբ ոստիկանությունը բիրտ ուժ չի գործադրի, ուզեց կոչ անել, որ տեսեք, երեխայիս բերել եմ, որպեսզի դուք ձեզ կարգին պահեք: Բայց Զառան նաեւ իր փորձից գիտի, որ ոստիկանի համար կապ չունի՝ երեխա է, երեխա չի: Երեխայի իրավունքի տեսակետից, իհարկե, սթրես էր եւ շահեկան չէր, որ նա այնտեղ լիներ, բայց Զառայի մտածելակերպը ես հասկանում եմ: Զառան բերեց երեխային՝ կանխելու համար ինչ-որ մի բան: Բայց մեկ անգամ եւս համոզվեցինք, որ կապ չունի փաստորեն՝ երեխա կա, թե չկա: Եթե ոստիկանները այդ ձեւով են իրենց գործառույթն իրականացնում՝ բիրտ ուժով, ուրեմն իրենց դեմ որեւէ խոչընդոտ, արգելք չկա: Իրենք անում են այն, ինչ որոշել են անել»:
Կարդացեք նաև
Հռիփսիմե ՋԵԲԵՋՅԱՆ
Տեսանյութը եւ լուսանկարը՝ https://news.am/-ի
Զզվելի է երբ մարդը ավելորդ անգամ իրեն փիար անելու համար չի խղջում անգամ իր երեխաին: Իր պաշտած եվրոպաներում և ամերիկաներում այս արարքի համար արդեն վաղուց զրկել էին մայրական իրավունքից:
” Երեխայի իրավունքի տեսակետից, իհարկե, սթրես էր եւ շահեկան չէր, որ նա այնտեղ լիներ”, շահն ինչ կապ ունի երեխայի կյանքի և առողջության հետ: Գուցե դուք, տիկին Բախշյան, թաքնված ակնարկ եք անում, որ Փոստանջյանն այնտեղ իր շահն էր փնտրում, բայց իր զավակի տեանսկյունից դա շահեկան չեր: Ամեն դեպքում անհաջող եք արտահյտվել: