Առաջիկայում, Փարիզում հնարավոր է կայանա ՀՀ եւ Ադրբեջանի նախագահների հերթական հանդիպումը: Նմանատիպ հանդիպումների մասին խոսակցությունների մեկնարկից եւ հանդիպումների նախօրյակին, Ադրբեջանը սկսում է ակտիվանալ իր դիվերսիոն գործողություններում կամ սահմանային միջադեպերի հրահրմամբ: Այս հերթական իրավիճակում ի՞նչ կտա ՀՀ եւ Ադրբեջանի նախագահների հանդիպումը՝ նկատի առնելով նախկին հանդիպումների դառը փորձը, երբ ձեռք բերված որեւէ չնչին պայմանավորվածություն, այդպես էլ իրականություն չի դառնում՝ Ադրբեջանի ջանքերով եւ ԵԱՀԿ Մինսկի խմբի անտարբերության պատճառով՝ Aravot.am-ի հարցին ի պատասխան «Ընդդեմ իրավական կամայականությունների» հասարակական կազմակերպության համակարգող Լարիսա Ալավերդյանն ասաց, որ Ալիեւ-Սարգսյան առաջիկա հանդիպումը կարող է նպաստավոր լինել այն առումով, որ ինչ-որ կոնտակտներ դեռ հնարավոր են: «Բայց, ինչ վերաբերվում է ընդհանրապես նմանօրինակ շփումներին, ես գտնում եմ, որ դրանք տարիներ շարունակ ավելի ծանրացրել են այն փաթեթը, որը իրավական չէ, հակաիրավական է եւ խոսում հօգուտ տարածաշրջանային անվտանգության»:
Մեր մյուս հարցին՝ ինչու ՀՀ նախագահ Սերժ Սարգսյանը վերջապես հարկ համարեց պաշտոնապես մտահոգություն հնչեցնել ՌԴ-ի կողմից Ադրբեջանին զենքի վաճառքի մասին, այն էլ՝ այդքան հեռավորությունից՝ իր լատինամերիկյան շրջագայության ժամանակ, տիկին Ալավերդյանը պատասխանեց, որ իր գնահատմամբ, ՀՀ նախագահին ոգեւորել եւ խթանել են ՀՀ-ում Ֆրանսիայի դեսպան Անրի Ռենայի պարզաբանումներն այն մասին, թե ինչո՞ւ իր երկիրն Ադրբեջանին զենք չի վաճառում:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
