Մաքսային միությանը Հայաստանի անդամակցության մասին պայմանագրի ստորագրման հավանական ժամկետի մասին խոսվել է դեռ նախկին կառավարության օրոք։ Սակայն պայմանագիրը ոչ ստորագրվեց ապրիլի 29-ին, ոչ մայիսի վերջին կամ հունիսին, ոչ էլ հուլիսի 15-ին։ Իշխանության ներկայացուցիչներն էլ չեն շտապում բացատրել, թե ինչու օր առաջ այդ միությանն անդամակցել փափագող Հայաստանի անդամակցությունը հապաղում է։
ՀՀԿ-ական պատգամավոր Ռուզաննա Մուրադյանը վստահեցրեց, որ հապաղումներ չկան, քանի որ սա ժամանակատար գործընթաց է: Արդյոք նա տեղյա՞կ է, թե ինչ գործընթացներ են տեղի ունենում հարցին արձագանքեց. «Կարծում եմ դրանք նախնական այդ գործընթացներն են, որոնք կբերեն վերջնական լուծման։ Բոլորն էլ ջանքեր են դնում, որ կարողանան հասցնել առաջիկա մոտալուտ ժամկետում լուծմանը, որովհետեւ որոշակի վիճակը բոլորին ձեռնտու է»,- եզրափակեց պատգամավորը՝ ավելացնելով, որ նման գործընթացի մեջ Հայաստանն առաջին անգամ է եւ հայտնի չէ՝ որքան կտեւեն նախապատրաստական աշխատանքները։
Պատասխանելով հարցին, թե հնարավոր է, որ բանակցություններն այնպիսի հունով ընթանան, որ հայկական կողմը հրաժարվի անդամակցությունից՝ ասաց, թե ինչպիսին որ կլինի ՀՀ-ի որոշումը, միեւնույն է՝ բխելու է պետական շահերից։
Լիլիթ ԼԱԼԱՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
Կարդացեք նաև
