Մինչ կովկասյան տարբեր, այդ թվում նաեւ՝ հակամարտող երկրների` Վրաստանի, Հայաստանի, Ադրբեջանի, Թուրքիայի գործարարները փորձում են միավորվել` ստեղծելով տարբեր բրենդներ, օրինակ` նրանք արդեն արտադրել են «Կովկասյան թեյ», «Կովկասյան մեղր», «Կովկասյան պանիր», «Կովկասյան փունջ» (գինի) եւ այլն, ՌԴ-ի կողմից Հայաստանին պարտադրվող Մաքսային միությունը խափանում է նաեւ տնտեսական այս ծրագիրը: Կովկասյան կենտրոնի տնօրեն Արտուշ Մկրտչյանը, որը կովկասցի պանրագործներին, գինեգործներին, մեղվապահներին, թեյագործներին միավորողներից մեկն է, առավել քան համոզված է, որ Հայաստանի անդամակցումը ՄՄ-ին կփչացնի նաեւ 2007թ.-ից մեկնարկած «Կովկասյան բրենդ» ծրագիրը: Վերջինիս համար կան բազմաթիվ հարցեր, որոնց պատասխանը նա այդպես էլ չի գտնում:
«Ես այդպես էլ չեմ հասկանում` ինչպե՞ս են կարգավորվելու Ղարաբաղի հարաբերությունները Մաքսային միության հետ, որտեղո՞վ է անցնելու սահմանը, ինչպե՞ս են անցնում ապրանքները, տրանզիտը ինչպե՞ս է ձեւավորվելու Վրաստանի տարածքով կամ մյուս երկրների տարածքով. հազար ու մի տեսակ իրավական հարցեր, որոնց մասնագետը ես չեմ, բայց պատկերացնում ու մտածում եմ, որ սա էսպես չի կարող լինել: Ասեմ, որ, անշուշտ, խնդիրներ կառաջանան «Կովկասյան բրենդ» ծրագրի համար: Ինչպե՞ս կարող են խնդիրներ չառաջանալ, երբ որ ես Վրաստանից բերում եմ թեյը, էստեղ խառնում ենք խոտաբույսերի հետ եւ պատրաստում ենք ֆիտոթեյ: Ինչպե՞ս կարող եմ վաղը դա Վրաստանից բերել, Վրաստանը արդեն ուրիշ երկիր է` եվրոպական ստանդարտներին համապատասխան, իսկ մերը՝ մաքսային ստանդարտներին համապատասխան, չգիտես էլ՝ տակավին կա՞ն ստանդարտներ, թե՞ ոչ, կամ ինչքանո՞վ են գործում… շատ մեծ բարդություններ կունենանք»,- նախազգուշացնում է մեր զրուցակիցը:
Մեր այն հարցին էլ, թե ստացվում է՝ լավ չե՞նք ուսումնասիրել Մաքսային միություն կոչվածը, Արտուշ Մկրտչյանը կարծիք հայտնեց, որ ընդհանրապես չենք ուսումնասիրել: «Գոնե ես իմ մակարդակով չեմ հասցրել ուսումնասիրել, որովհետեւ ամեն ինչ էնքան արագ եղավ, չնայած երեւի կան փորձագետներ, որոնք այդ ամեն ինչը անում են, բայց դա արդեն ինձ համար հասանելի չէ»,- մտահոգված է Կովկասյան կենտրոնի տնօրենը:
ՆՈՒՆԵ ԱՐԵՎՇԱՏՅԱՆ
«Առավոտ» օրաթերթ
15.07.2014
Хотите знать что творится в центральном офисе ТС? Знаю точно. С первых рук. От приятеля русского. Все отдано на откуп казахом. Они и рулят там. Иначе не согласились участвовать. Для казахов ТС, это временное явление, где они взамен “политических выгод” России, получают очень конкретную экономическую выгоду. Как и во всех сферах стран ТС, конкретно в ТС все делается через серые схемы. Так вот. Казахи имеют в деятельности ТС, особую экономическую выгоду. Даже по количеству чиновников работающих в центральном офисе ТС, казахи имеют преимущество. Нам то что светит там?