Հուլիսի 21-ին Հայաստանում կայանալիք նետաձգության Եվրոպայի առաջնությանը կմասնակցեն նաև Ադրբեջանի մարզիկները, հայտնում է «Հաքքին.ազ»-ը:
Ադրբեջանի սպորտի և երիտասարդության նախարարության մամուլի խոսնակ Սամայա Մամեդովան տեղեկացրել է, որ առաջնության համար Ադրբեջանից Հայաստան կգան 8 հոգի՝ 6 մարզիկ և թիմի 2 անդամ:
«Եվրոպայի նետաձգության ֆեդերացիան մեր առջև պայման է դրել, որ մենք պետք է մասնակցենք այս առաջնությանը, որպեսզի իրավունք ստանանք մասնակցելու 2015թ. Բաքվում կայանալիք եվրոպական խաղերին: Հայաստանում խոստացել են ապահովել մեր մարզիկների անվտանգությունը», – ասել է խոսնակը:
Պատրաստեց Հովհաննես ԻՇԽԱՆՅԱՆԸ
Կարդացեք նաև
