Հայաստանի դեմոկրատական կուսակցության նախագահ Արամ Սարգսյանին անհանգստացնում է Հայաստանի կողմից Եվրասիական տնտեսական փաստաթղթի ստորագրման ձգձգումը ու եթե նախկինում խոսվում էր երկու-երեք օրվա մասին, ապա այսօր արդեն նշվում է հոկտեմբեր ժամկետը: Այդ մասին նա այսօր հայտարարեց «Նովոստի» միջազգային մամուլի կենտրոնում`«Եվրասիական ընտրություն–Հայաստան–2014» թեմայով Երևան-Մոսկվա տեսակամրջի ժամանակ:
Արամ Սարգսյանը գտնում է, որ հարկավոր է անկեղծ ներկայացնել այս հարցը, որպեսզի հանրությունը իմանա բոլոր մանրամասները եւ այն խնդիրները, որ կարող են ի հայտ գալ այդ անդամակցության արդյունքում: «Հակառակ պարագայում կարող է լինել այնպես, որ քաղաքական իրավիճակը կապակայունացվի»,- ասաց նա:
Քանի որ, ՀԴԿ-ն հանդես է գալիս ՌԴ հետ ինտեգրացիայի անհրաժեշտության տեսանկյունից, ՀԴԿ-ում ընդհանրապես ԵՏՄ-ին անդամակցելը դրական են ընդունում: Բայց անհանգստացած են, որ այդ հարցը փորձում են քաղաքականացնել ու կապում են Արցախի հիմնախնդրի հետ: «Արցախը բոլոր իմաստներով համապատասխանում է միջազգային իրավունքի նորմերին և եթե փորձենք իզոլացնել Արցախը արտաքին աշխարհից, ապա դա կբերի հումանիտար աղետի» ,- ընդգծեց Արամ Սարգսյանը և հորդորեց իրազեկվածության մակարդակը հնարավորինս բարձրացնել:
Այլ մանրամասները`տեսանյութում
Կարդացեք նաև
Նելլի ԳՐԻԳՈՐՅԱՆ
