Ինչպես արդեն տեղեկացրել ենք այսօր ընթանում էր «Սահմանադրական բարեփոխումները ժողովրդավարական զարգացման համատեքստում» խորագրով միջազգային գիտաժողովը: Հարցուպատասխանի ժամանակ իրավապաշտպան Արթուր Սաքունցը դիմելով բանախոսներին շնորհակալություն հայտնեց քննարկումն անցկացնելու համար, սակայն արձանագրեց. « Նման ֆորմատի քննարկումն արդեն իսկ ապացուցում է, որ ժողովրդավարական ճանապարհով չի գնում քննարկումը, որովհետեւ մենք փակ, ակումբային ռեզերվացիաներում ենք անում»:
Նա ավելացրեց, որ Հանրային հեռուստաընկերությունը, որը պետք է ապահովի այս թեմայի դիսկուրսը, եւ այս տեսակետները, կարծիքները հանրության լայն շրջանակներ պետք է իմանան, չի անում:
Նա նաեւ նշեց, որ պետք է որոշենք որն է ժողովրդավարությունը. «Ինձ համար ժողովրդավարությունը մեծամասնության սահմանափակ իշխանությունն է, որը ենթադրում է փոքրամասնության իրավունքների ապահովում»,- ասաց նա եւ ավելացրեց, որ մեզանում կա «մեղմ ասած խիստ վերապահ վերաբերմունք» փոքրամասնությունների նկատմամբ, եւ դա ցուցաբերվում է նույնիսկ քաղաքական դեմքերի մակարդակով:
«Քննարկումները ժողովրդավարական չեն, եւ սահմանադրական փոփոխությունները արժեքների հիման վրա չեն լուսաբանվում,- ասաց նա,- Եթե մենք խոսում ենք բարեփոխումներից, պետք է իմանաք ժողովրդավարական սկզբունքները, որոնց վրա պետք է կառուցենք բարեփոխումները»:
Կարդացեք նաև
Սահմանադրական բարեփոխումները նորից համարեց ոչ ժողովրդավարական, այլ թելադրված, քննարկումներին մասնակցողները իմիտացիա են ստեղծում, թե հանրային են. «Մենք ստիպված են ռեզերվացիաների պայմաններում իմիտացիայով զբաղվելու»,- ասաց նա եւ նշեց, որ հենց նախագահը կամ Գագիկ Հարությունյանը պետք է որոշեին ու կոչ անեին, որ սահմանադրական բարեփոխումների դիսկուրսը հանրային լինի:
Հռիփսիմե ՀՈՎՀԱՆՆԻՍՅԱՆ
