Այսօր` հուլիսի 10-ին, ՀՀ կառավարության շենքի դիմաց` մինչ կառավարության նիստի սկսելը, մի խումբ քաղաքացիներ մոտեցան վարչապետին: Նրանք Հովիկ Աբրահամյանին պատմեցին իրենց անհանգստացնող խնդիրները` ակնկալելով վարչապետից լուծում ստանալ:
Մանրամասները` տեսանյութում
Սակայն վարչապետի հետ զրույցից հետո քաղաքացի Նինա Իվանյանը նստեց կառավարության շենքի դիմաց, Aravot.am-ի հարցին, թե ինչո՞ւ է գետնին նստել, տիկին Իվանյանը պատասխանեց, որովհետեւ ցանկանում է, որ Հովիկ Աբրահամյանը իրեն ընդունի եւ վեր չի կենա, մինչեւ նա իրեն չլսի: Նա նշեց, որ մոտեցել է վարչապետին, սակայն նա իրեն չի պատասխանել եւ թողել գնացել է:
Կարդացեք նաև
Նա հայտարարեց, որ պահանջում է բարոյական եւ նյութական վնասների փոխհատուցում.
«Աշխատել եմ «Արմենիա» հանրապետական հիվանդանոցում 1971 թվականի հոկտեմբերի 6-ից մինչեւ 2005 թվականի հունիսի 11-ը: Ես իմ աշխատանքային պարտականությունները կատարել եմ հավուր պատշաճի, բայց քանի որ ես պահանջել եմ իմ աշխատավարձը, երբ աշխատողներին ընդհանրապես աշխատավարձ չէին տալիս, ինձ աշխատանքից հանել են: Հետո 3 ամիս պարապուրդ եմ ունեցել, դիմել եմ դատարան, որ պարապուրդն էլ փոխանցի, իմ աշխատավարձն էլ բարձրացնի մյուս աշխատողների աշխատավարձի չափ, սակայն դատական նիստ չի կայացել` կա’մ կարճել են, կա’մ մերժել են»:
Մանրամասները` տեսանյութում:
Ամի ՉԻՉԱԿՅԱՆ
