Այսօրվանից օդի ջերմաստիճանը կբարձրանա

ԱԻՆ «Հիդրոմետ» ծառայության օպերատիվ հիդրոօդերևութաբանական կանխատեսումների կենտրոնի պետ Զարուհի Պետրոսյանն այսօր «Տեսակետ» մամուլի ակումբում հայտնեց, որ այսօրվանից հանրապետությունում կգրանցվի ջերմաստիճանի բարձրացում։

Տիկին Պետրոսյանը տեղեկացրեց, որ այսօրվանից սկսած՝ հանրապետությունում լինելու է առանց տեղումների եղանակ, սակայն չի բացառվում, որ առանձին վայրերում տեղումներ լինեն։ «Օդի ջերմաստիճանը կբարձրանա։ Վաղը Արարատյան դաշտում սպասվում է մինչեւ 36 աստիճան տաքություն, իսկ լեռնային շրջաններում` 29 աստիճան տաքություն։ Տավուշում կլինի 32 աստիճան, Սյունիքում` 36 աստիճան տաքություն։ Հաջորդ օրը եւս մեկ աստիճանով ջերմաստիճանը կբարձրանա»:

Կենտրոնի պետի փոխանցմամբ՝ հուլիսի 12-ին եւ 13-ին առավելագույն ջերմաստիճանը կհասնի 37 աստիճանի, իսկ 14-ին եւ 15-ին Արարատյան դաշտի առանձին վայրերում ջերմաստիճանը կհասնի մինչեւ 38 աստիճան տաքության։ «Այսինքն շոգը եւ ամառը դեռ առջեւում են։ Սակայն այս ջերմաստիճանը մինչեւ ամառվա վերջ չի պահպանվի եւ կլինեն ցուրտ օդի ներխուժումներ»:

Տիկին Պետրոսյանը հայտնեց նաեւ, որ առաջիկայում կարկուտի հավանականությունը փոքրացել է։

Կարդացեք նաև

Հայաստան է ներթափանցում հզոր ջերմային ալիք. կանխատեսվում է մինչև +40․․․+42 աստիճան տաքություն

• 11:25 07.08.2023

Դպրոցում գիտականի ու գեղարվեստականի զուգորդումը հնարավորինս մեծ թվով աշակերտների կներգրավի դասապրոցեսում. երեք ուսուցիչների նախաձեռնությունը

• 12:25 05.05.2021

Գնումներ կատարելիս ուշադրություն դարձնել մթերքի պահման պայմաններին, պիտանիության ժամկետին. Առողջապահության նախարարության խորհուրդները

• 10:36 23.12.2019

Իսկ այս օրերին Սեւանա լճի ջրի ջերմաստիճանը 19 աստիճան է:

Էլյա ՀՈՎՀԱՆՆԻՍՅԱՆ