«168 ժամը» սահմանադրական բարեփոխումների հայեցակարգի նախագծի մասին զրուցել է Սահմանադրական բարեփոխումների մասնագիտական հանձնաժողովի անդամ, ԵՊՀ իրավագիտության ֆակուլտետի դեկան Գագիկ Ղազինյանի հետ։
– Քննարկման առարկա է դատական ատյանների քանակի կրճատման, այն է՝ դատական երկաստիճան համակարգին անցում կատարելու հարցը։ Արդյունավե՞տ եք համարում նման զարգացումները։
– Դատական երկաստիճան համակարգի ձևավորումը հայեցակարգի հրապարակված նախագծի այլընտրանքային լուծումներից մեկն է։ Վերջինիս համար բերվող հիմնավորումները հետևյալն են՝ ունենք փոքր պետություն, փոքր ազգաբնակչություն, մեծ շռայլություն է եռաստիճան դատական համակարգ ունենալը։
Դատական ատյանների քանակի կրճատմանն առնչվող առաջարկի ներկայացման հաջորդ պատճառը, կարծում եմ՝ այն է, որ մինչև այժմ հստակեցված չէ սահմանադրական մակարդակով ՀՀ վճռաբեկ դատարանի տեղը մեր դատական համակարգում։ Հետևաբար, տվյալ իրավիճակում խնդիր է դրվել՝ լրջորեն կատարելագործել գործող համակարգը՝ առաջին հերթին հստակեցնելով վճռաբեկ դատարանի՝ սահմանադրական լիազորություններով պայմանավորված կարգավիճակը, վերջինիս կողմից բողոքը քննության ընդունելուն առնչվող հարցերը, և այլն։
Կարդացեք նաև
Եթե քննարկումների արդյունքում պարզ դառնա, որ նույնիսկ այդ բարեփոխումների պարագայում հնարավոր չէ ամբողջությամբ լուծել վերը նշված խնդիրները, նոր միայն կարող է քննարկվել հարցի լուծման այլընտրանքային տարբերակը։
Օֆելյա ՀՈՎՀԱՆՆԻՍՅԱՆԸ
Հարցազրույցն ամբողջությամբ կարող եք կարդալ «168 ժամ» թերթի այսօրվա համարում
