Այսօր ՀՀ վարչապետ Հովիկ Աբրահամյանն այցելեց նաև Ախուրյանի շինհրապարակ, որտեղ և ընթանում է բնակարանաշինություն: Այստեղ նրան էր սպասում քաղաքաշինության նախարար Նարեկ Սարգսյանը, որից լրագրողները հետաքրքրվեցին, թե ի վերջո ինչպե՞ս է լուծվելու Գյումրու դադարեցված բնակարանաշինության հարցը, ինչո՞ւ խոստացված, պլանավորած բնակարանները 430 ընտանիքի համար չեն կառուցում: Քաղաքաշինության նախարարն ասաց, որ ինքը պատրաստվում է կառավարությանը առաջարկել բնակարանաշինության փոխարեն բնակարաններ գնել անօթևանների համար, սրանով Գյումրու անշարժ գույքի շուկան կակտիվացնեն: Նա այս մտադրությունը բացատրեց Գյումրիում,այդ թվում և նորակառույց Մուշ 2 թաղամասում բազմաթիվ դատարկ բնակարաններ լինելու հանգամանքով, և կարծիք հայտնեց, տրամաբանություն չի տեսնում նոր բնակարանաշինության:
Լրագրողները չլչլվող բնակարանաշինության մասին հաշիվ պահանջեցին նաև վարչապետից, որը ասաց, թե Շիրակի մարզպետարանում քննարկելու են այդ հարցը ու փորձելու են լուծում տալ: Շիրակի մարզպետարանում անցկացվեց փակ խորհրդակցություն, թե ինչ որոշվեց, դեռևս հայտնի չէ:
Ի դեպ, վարչապետը խոսեց նաև կարկտահարված գյուղերի բնակիչներին օգնելու, Գյումրիում գործազրկությունը կրճատելու մասին:
Կարդացեք նաև
Մանրամասները` տեսանյութում:
Նունե ԱՐԵՎՇԱՏՅԱՆ
Հարգելիներս, լավ եք անում , որ պահանջում եք իշխանություններից բնակշինարարությունը, բայց ընդունեք, որ դուք քաղաքապետի գործն եք անում` բալասանյանի, փոխանակ ինքը սաղ օրը պահանջի , թե ինչու բնակշինարարութուն չի արվում, լռում է ու իրա բիզնեսն է առաջ տանում, ուրեմն`լրագրողներն են այսուհետ Գյումրու քաղաքապետը, հարց բարձրացնող ու պահանջող, ցանկանում եմ, որ դուք քաղաքապետի չափ աշխատավարձ ստանաք ձեր ազգօգուտ աշխատանքի համար ու գոնե մի թեթև բիզնես ունենաք,բայց ոչ բալասանյանի պես ուրիշներից խլած, իսկ բալասանյանը մենակ ասֆալստի փող է ուզում, որ լվա,губит людей не пиво, губит асфальт?