Լսելով, որ ՀՀ վարչապետ Հովիկ Աբրահամյանը Շիրակի մարզի կարկտահարված գյուղերից հետո այցելելու է նաև Գյումրու Գյուլբենկյանի անվան վիրաբուժական հիվանդանոցի դատարկված շենք ու հարակից տեխնոպարկ, բողոքավոր ու մուրացկան կանանց մի խումբ սրտատրոփ սպասում էին նրան: Այդ կառույցների մոտ կառավարության ղեկավարին սպասում էր նաև քաղաքապետ Սամվել Բալասանյանը իր շքախմբով: Երբ վարչապետը մեքենայից իջավ ու շարժվում էր դեպի Գյուլբենկյանի անվան հիվանդանոց, նրա ճանապարհը կտրեց Լիզա անունով հայտնի մուրացկան կինը, որը սովորաբար այդ նույն ձևով կտրում է ԲՀԿ առաջնորդ Գագիկ Ծառուկյանի ճանապարհը ու մինչև նրանցից գումար չստանա, չի թույլատրում շարժվել, ու լացակումած վարչապետին ասաց. «Վեց որբ կպահեմ»:
Հովիկ Աբրահամյանը, չհասկանալով տիկնոջ խնդրանքը, դարձավ դեպի Սամվել Բալասանյանը ու հարցրեց. «Ի՞նչ է ասում»: Գյումրու քաղաքապետը ծաղրանքով «թարգմանեց» տիկին Լիզայի ասածը. «Վեց հատ որբ կպահե» :
Վարչապետը հարցրեց. «Տան խնդիր է», որին ի պատասխան տիկինը արդեն պահանջատիրական ձայնով ասաց. «Տան խնդիր չէ, օգնություն պիտի տաք, որ բանկը մուծեմ, վարկ ունեմ, թագավոր ջան, անցած անգամ էլ ինձ լավ նայեցիր, բալա ջան»:
Վարչապետը ինչ-որ ծրար փոխանցեց իր թիկնապահին:
Կարդացեք նաև
Մանրամասները` տեսանյութում:
Նունե ԱՐԵՎՇԱՏՅԱՆ
